Mudah.com.my

Mudah.com.my siti ari palan endur kitai olih bejual ke barang ba seluruh Malaysia, tang nengah Internet. Enti nyema nuan bisi ati deka bejual ke baka bup, kereta, komputer, handphone, serta utai bukai, ditu mih tempat ti betul endur nuan bejual ke barang.

Ba penemu aku Mudah.com.my tu siti website ti simple serta nyamai dipeda. Sampai saritu bisi semak 28 000 macam barang benung di iklan ke orang ba Mudah.com.my.

Mudah.com.my cukup mudah dikena, laban nuan olih milih location endur orang bejual ke barang, chunto iya enti nuan deka ngiga handphone secondhand ba Sarawak, nuan semina klik ba peta Sarawak aja, pia mega enti nuan deka ngiga barang ba Kuala Lumpur, tauka ba tempat bukai.

Semua barang ke di iklan ke orang ba Mudah.com.my olih dipeda enggau silik, nuan mega olih call orang ke nyual barang nya.

Ba gambar di atas tu chunto barang ke di iklan orang ti deka dijual, ambika chunto enti nuan tetemuka handphone ti deka dibeli nuan, nuan tau terus call, email, tauka sms orang ke nyual handphone nya.

Enti deka nemu enggau silik agi, nuan tau niki ngagai website tu: Mudah.com.my

This review is brought to you by Advertlets.com and Mudah.com.my

13 iti softwares mestika bisi ba komputer nuan.

Tuju aku bekunsika penemu tu awaka kita olih nyaga komputer kitai enggau lebih selamat ari viruses tauka hackers, serta utai bukai ti suah amai ngerusak ke komputer kitai.

Security
01. AVG Antivirus Free Edition
02. ZoneAlarm Firewall
03. Adware Remover
04. Microsoft Windows Defenders Beta
05. WinPatrol
06. HijackThis

Tools
07. Mozilla Firefox
08. Roboform
09. Adobe Reader
10. NoteTab Light
11. CCleaner
12. BCArchive
13. Winrar

File Inspector Recovery

Tu siti ari program ti dikena 'recover' tauka ngambi pulai semua data ke lenyau ba hard disk kita ketegal tersalah buai (delete) tauka data ba hard nya jai (corrupted). Program tu olih nyukung sistem FAT 12/16/32 serta NTFS.

Cukup senang dikena, tang mestika di 'install' dulu ba komputer, tang anang 'install' ba hard disk ke deka di 'recover' kitai nya.

Program tu tau di download ba ditu: File Inspector Recovery

Microsoft Image Resizer

Microsoft Image Resizer iya nya siti ari program disediaka Microsoft dikena ngubah pemesai saiz ngambar.

Enti program tu udah di install iya nemu nambah kediri ba menu windows explorer. Nyadi cara ngena iya sigi cukup mudah, semina right click aja ba gambar ke deka di ubah pemesai saiz iya, udah nya pilih "Resize pictures".

Program tu tau di download ba ditu: Microsoft Image Resizer

ZoneAlarm Firewall 7 (Win2000/XP)

ZoneAlarm tu siti ari program firewall digaga dikena ngelindung komputer nuan ari kena serang "hackers" lebih-lebih agi enti komputer nuan nya disambung ngagai internet tauka mina ngagai local network aja. Program tu bisi ngundan empat iti interlocking security, iya nya firewall, controller, internet lock, serta Zones.

Firewall tu dikena control semua traffic ke masuk ngagai komputer nuan. Internet lock dikena ngalitka/block traffic internet nuan maya nuan enda ngena komputer serta maya nuan enda ngena internet, iya olih digaga otomatik maya screensaver kitai idup. Zones meda semua pengawa ba komputer nuan serta madahka nuan enti bisi aplikasi baru nguji deka masuk ngagai internet.

ZoneAlarm tu program ti olih dikena pecuma ba komputer nuan aja. Mestika di ingat program tu enda tau dijual enti nadai pemendar ari Company ke ngeluarka program tu.

Hacker - orang ke landik pasal komputer ti suah masuk nadai pemendar ngagai komputer orang bukai serta enchuri semua data ti penting.

Program tu olih di download ba ditu : Download ZoneAlarm Firewall

Selamat Datai Ngagai Blog Teknologi Pemadah

Enggau penuh basa aku ngelaluka penatai kita nemuai ngagai Blog Teknologi Pemadah tauka "Information Tecnology" enti dalam jaku orang putih.

Tuju aku ngaga Blog tu iya nya aku deka bekunsi ke penemu aku dalam pengawa Teknologi Pemadah laban aku sigi rindu ke pengawa tu serta rindu nulung bala kaban kelebih agi ke sama bansa.

Nyadi ba Blog tu ila deka dibantaika mayuh macam perkara pasal teknologi pemadah ke bisi dikena kitai diatu serta teknologi ke ka dikena orang maya dudi ila.

Jaku dikena ba Blog ditu iya nya jaku Iban, tang bisi sekeda jaku bisi diselitka jaku English ketegal agi mayuh jaku Iban agi ngena jaku pinjau.

Terima kasih serta selamat nemuai.